Ish- ambasadori i Kosovës në Suedi dhe udhëheqësi i KIPRED-it, Lulzim Peci, thotë se prapa protestave që po mbahen në Beograd në mbështetje të popullit rus qëndron vetë presidenti i Serbisë, Aleksandar Vuçiq.
Peci pohon se në një fotografi të protestës së sotme është djali i Presidentit të Serbisë, Danilo Vuçiq, shkruan arbresh.info.
Ky veprim sipas tij, është një argument që e bën më të besueshëm faktin se Aleksandar Vuçiq qëndron në fakt prapa kësaj proteste.
“Organizatori i protestës së sotme në Beograd, në përkrahje të Rusisë, Damjan Knezheviq (Narodna Patrola) në këtë foton e artikullit, është së bashku me Danilo Vuçiqin, biri i Alekasandar Vuçiqit. Në foto është edhe Milica Gjurgjeviq, udhëheqëse e Lëvizjes “Zavetnici”, e njohur si shume pro-ruse. Ky është një argument që e bën më të besueshëm faktin se Aleksandar Vuçiq qëndron në fakt prapa kësaj proteste. Ai e ktheu për 90 shkallë qëndrimin e Serbisë me votimin në Kombet e Bashkuara, mirëpo qëllimi i tij i vërtetë është që tani ai të duket pro-perëndimor krahas ultra-nacionalistëve pro-rusë”, shkruan Peci në Facebook,
Ndryshe, në Beograd sonte u mbajt një tubim tjetër i serbëve në mbështetje të popullit rus. Tubimi u organizua nga disa grupe serbe të krahut të djathtë.
Tubimi u mbajt në afërsi të Presidencës së Serbisë, kurse pjesëmarrësit dhanë mesazhe mbështetjeje për Rusinë, e cila filloi pushtimin ushtarak të Ukrainës të enjten e kaluar./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite